LAWAMA ZAMWANDAMA MSANII WA BONGO MOVIE NISHA.

 

Wakati nafasi yake katika jamii ikizidi kushamiri kila kukicha, msanii nyota na malkia wa filamu nchini Tanzania Salma Jabu Nisha maarufu “NISHA”, amejikuta katika wakati mgumu tena baada ya baadhi ya mashabiki wake kumlalamikia kuwa imefika wakati hata anashindwa kuwanao karibu kama
ilivyokuwa awali kabla ya jina lake kuwa katika chati.

 Katika kuhakikisha yakuwa jambo hili linapata ufafanuzi wa kina, msombe blog imepata nafasi ya kumtafuta star huyo na hivi ndivyo mambo yalivyokwenda:

MHARIRI: Huhari gani malkia wa bongo?

NISHA: Hahahaaa!!! Poa sana ndugu yangu, mwenyezi anatupa uzima.

MHARIRI: Vyema sana, kwanza tuzungumzie kidogo filamu yako ya GUMZO, ipo sokoni kwa sasa, vipi mapokeo ya mashabiki?

NISHA: Inshaallah Mungu anatenda mambo yake, najua hata siamini namna ambavyo mapokeo yamekuwa makubwa..! yaani nafuraha isiyo kifani, watu wanapiga picha kisha wananipostia katika kurasa zangu za mitandao ya kijamii, basi ni firaha tele.

MHARIRI: Unafikiri kuwa filamu hii itasababisha kukuza zaidi sanaa ya bongo ikiwa ni pamoja na kukujengea zaidi heshima katika kazi zako?

NISHA: Mmmh!! Nawezasema ndiyo, kwasababu hadi sasa naona jinsi navyozidi kupata mashabiki wengi  katika kona mbalimbali za dunia, hivyo basi inanipa shauku ya kuzidisha juhudi katika kazi zangu zote ili nisiwakwaze mashabiki wangu.

MHARIRI: Naam! Kumekuwa na malalamiko kadhaa kutoka kwa baadhi ya mashabiki zako wakisema unajitenga sana mbali nao tofauti na ilivyokuwa hapo awali ambapo mlikuwa mkishirikiana kwa mambo tofauti tofauti, hii iko vipi??

NISHA: Hahahaaa!! Acha mambo hayo bwana, mbona mimi sipo hivyo, kwanini unasema hivyo?

MHARIRI: Kwahiyo hizi stori ni zauongo?

NISHA:Hapana, lakini ukweli nikuwa kuna mambo mengi yanakuwa mtu yanakukabili kwa wakati Fulani hivyo basi unalazimika kutumia muda mwingi sana katika kuyakamilisha, na sikuwa nafanya kuwatenga ama kuwa mbali nao. Jambo lingine ni kwamba nawapenda sana mashabiki wangu kwahiyo wajue yakuwa napambana sana kwaajili yao ikiwa ni pamoja na kuhakikisha wanapata radha nzuri kupitia kazi zangu.

MHARIRI: Mambo gani hayo yanakupa ubize zaidi wakati muda kama huu umeshatoa filamu basi ni kukaa kusubiri mapato?

NISHA: Unajua siyokwamba nakaa kutegemea filamu pekee, nina biashara zangu tofauti kabisa na sanaa, hivyo basi wakati kama huu ndiyo huwa natumia katika kuhakikisha kila kitu kinakwenda vyema.

MHARIRI: Biashara gani hizo unazojihusisha nazo?

NISHA: Aaah!! Bwana..! Ok, nafanya biashara tofauti tofauti ikiwa ni pamoja na saluni yangu iliyopo sinza ambapo ni maalum kwa maswala ya urembo.

MHARIRI: Kuna moja ya andiko lako katika mitandao ya kijamii uliwahi kusema utawapeleka mashabiki wako Zanzibari, embu ifafanue kwa kina imefikia wapi?

NISHA: Naaam!! Ni kweli kabisa ndugu mwandishi, kama nilivyokujuza hapa awali yakuwa nawapenda sana ten asana mashabiki wangu, hivyo basi katika kuhakikisha natoa walau shukrani kidogo kwao mimi pamoja na uongozi wa kampuni yangu ya NISHA’S PRODUCTION tukaona ni vyema kama tukifanya jambo hilo ikiwa ni sehemu ndogo tu ya kusema asante.

MHARIRI: Walengwa haswa wa zawadi hii ni wakina nani?

NISHA: Kila mtanzania na asiyekuwa mtanzania ilimladi anamapenzi na Nisha anakaribishwa kujiunga nami ili aweze kupata nafasi hii. Kikubwa ni yeye kujiunga katika kurasa zangu za mitandao ya kijamii kisha anaweza kuipata nafasi hiyo na mwishowe NISHA’S PRODUCTION itahakikisha anamtimizia kila kitu.

MHARIRI: Kuna idadi ya washiriki katika safari hiyo?

NISHA: Hapana, mtu yoyote anaruhusiwa kujiunga na Team Nisha na wale wote watakao patikana basi safari ya Zanzibar itakuwa inawahusu pia.

MHARIRI: Una maneno yapi kwa mashabiki wako?

NISHA: Nasema tuzidishe upendo kwa wote na watambue yakuwa nawapenda sana kuliko wanavyofikiri wao, pale napokuwa nikiwakosea waniambie ili tuzidi kuboresha uhusiano bora kila kukicha, Napia wasisahau kwa wale ambao hawajajipatia nakala ya GUMZO basi wafanye hiyana kuipata. Mmwaaa!!!!!!